Paragliding
Kva er paragliding?
Paragliding er ein luftsport der piloten sit i ein sele under eit
skjermprofil som er spent pga trykket inne i skjermen. Paragliding
er den enklaste, billigaste og friaste forma for flyging.
Paraglidaren utvikla seg frå fallskjermar på midten av 1980-talet.
Hovedskillnaden på dei to sportane er at fallskjermen er i hovudsak
laga for å stoppe fallet til hopparen, mens paraglidaren er eit
verktøy for sjølve flyginga. Ein paraglidarpilot kan ta av frå
fjelltoppar, bli vinsja opp i lufta og halde seg der. Piloten kan
benytte seg av termikk (oppadstigande varmluft) til å
fly lengre distansar eller berre halde seg i lufta for å utøve akrobatikk! Den gjeldande
verdensrekorden i distanseflyging med paraglider er 461 km og satt i
Brasil i 2007!
Sondre i sin APCO Twister 18. Foto: Kenneth Klette
Paragliding som konkurranseform
Det vert konkurrert innan to hovudgreiner; akrobatikk (og kalla akro) og distanseflyging (og kalla cross country eller XC).
Akro
Det vert konkurrert ved å utføre spektakulære akrobatiske triks
over vatn med landing på ein flåte. Det vert avholdt konkurransar i
to klassar; inviduell flyging (vert kalla solo) og synkron flyging
(vert kalla synkro).
Pilotane får poeng for vanskeligsgrada av triksa, sjølve utføringa av
triksa, variasjon i programmet dei utfører og til slutt landinga! I
synkronflyging får deltakarane poeng for synkroniseringa.
Akro er ein ny ekstremsport og konkurranseform som har vore med på å
løfte paragliding som sport og har gove sporten eit nytt, friskt
image på lik linje med freestyle ski og snowboard!
Distanseflyging (XC)
Distanseflyging er den mest tradisjonelle konkurranseforma innan
paragliding og har lange tradisjonar, både i Norge og i utlandet.
Som konkurranseform går distanseflyging ut på å flyge ei løype, satt
ved hjelp av GPS-koordinatar, på raskast mulig tid. Det vert og
konkurrert i fridistanse der det gjeld å flyge lengst mulig innan
ei gitt tidsramme.
Bilde frå ein distansekonkurranse. Foto: NRK
Bilde av ein typsik distansepilot. Legg merke til
"cockpiten" med instrument som GPS, variometer osv.
Foto: www.gingliders.com
